Blog Detail

အလုပ်ခေါ်စာတွေထဲမှာ ပြောနေတဲ့ 𝗥𝗲𝗱 𝗙𝗹𝗮𝗴 များ (𝗣𝗮𝗿𝘁 1)

🚩 လစာကို မဖော်ပြထားတာ

လစာကို “ညှိနှိုင်း” ၊ “ Negotiable” လို့ရေးထားတဲ့အခါတွေမှာ ခေါ်ယူတဲ့ Position နဲ့ပတ်သက်ပြီး Salary Range ကို လုပ်ငန်းရှင်ဘက်က အတိအကျမပေးနိုင်သေးတာ ၊ ချိန်ဆနေတာမျိုးတွေဖြစ်နိုင်ပြီး ၊ တစ်ချို့အခြေအနေတွေမှာ Position နဲ့ပတ်သက်ပြီး ကိုယ်တောင်းတဲ့လစာထက် နည်းတဲ့ ပမာဏကိုသာ ပေးဖို့ရည်ရွယ်ထားတာ မျိုးတွေဖြစ်နိုင်ပါတယ်။

ဒီအချက်ကလည်း အလုပ်မလျှောက်ခင်မှာ သတိထားသင့်တဲ့ အချက်တစ်ခုဖြစ်ပြီးတော့ ၊ အလုပ်လျှောက်တဲ့အခါ ကိုယ့်အနေနဲ့ ပျမ်းမျှမျော်မှန်းလစာကို ကြိုတင်သတ်မှတ်ထားဖို့လိုပါတယ်။

🚩 Family Type လို့ပြောသောအလုပ်များ

Family Type လို့ပြောတဲ့အခါ စည်းစည်းလုံးလုံးနဲ့ အပြန်အလှန်ကူညီတက်တဲ့ လုပ်ငန်းခွင် ပတ်ဝန်းကျင်ဖြစ်နိုင်တဲ့အပြင် ၊ လုပ်ငန်းခွင်မှာ Boundary မရှိဘဲ အချင်းချင်း Personal ကိစ္စတွေမှာ ဝင်ရောက်စွက်ဖက်တာမျိုးတွေ ၊ Professional မဖြစ်တဲ့ အပြုအမူမျိုးတွေ ၊ ဘက်လိုက်မှုတွေ ၊ အချိန်ပိုကြေးမရှိဘဲ အလုပ်ချိန်ပိုတွေဆင်းရတာမျိုးတွေဖြစ်နိုင်ပါတယ်။

ဒါကြောင့် Family Type လို့ ခေါ်ဆိုထားတဲ့ အလုပ်ခေါ်စာတွေကို Red Flag အနေနဲ့သတိထားသင့်ပါတယ်။

🚩 Job Title ရာထူးနာမည်ဆန်းဆန်းများ

ပုံမှန်မြင်တွေ့နေကြမဟုတ်တဲ့ Job Title တွေပေးထားတာမျိုး ၊ Job Role နှစ်ခုကိုပေါင်းပြီး ခေါ်ဆိုထားတာမျိုး ၊ ခေါ်ဆိုထားတဲ့ Job Title နဲ့ Job Responsibilities နဲ့ကိုက်ညီမှုမရှိတာမျိုး _ ဒါတွေကလည်း အလုပ်ခေါ်စာဖတ်တဲ့အခါ မဖြစ်မနေသတိထားရမယ့် Red Flag တွေဖြစ်ပါတယ်။

Job Title တိကျမှုမရှိတာဟာလည်း အလုပ်ဝင်ပြီးတဲ့အခါမှ မထင်မှတ်ထားတဲ့ပြဿနာတွေကြုံတွေ့ရတာ ၊ ကိုယ်နဲ့မကိုက်ညီတဲ့ အလုပ်မျိုးတွေဖြစ်တက်တဲ့အတွက် အလုပ်မလျှောက်ခင်ကတည်းက သတိထားသင့်ပါတယ်။

🚩 Fast-Paced/ Dynamic ဖြစ်သောအလုပ်ပတ်ဝန်းကျင်

Fast-Paced လို့ပြောထားရင် Multitasking Skill ရှိထားဖို့ ၊ အလုပ်ဖိအားတွေကိုခံရနိုင်ဖို့ကို ကြိုတင်မျှော်လင့်ထားရပါမယ်။ အလုပ်ကြောင့် Burnout ဖြစ်နိုင်တာမျိုးတွေနဲ့လည်း ရှိနိုင်တာမို့ ဒါဟာလည်း အလုပ်ခေါ်စာဖတ်တဲ့အခါမှာ သတိထားရမယ့် Red Flag တစ်ခုဖြစ်ပါတယ်။

🚩 Entry Level ကို MBA ကဲ့သို့ ပညာအရည်အချင်းများတောင်းဆိုထားခြင်း

အခုမှလုပ်ငန်းခွင်ကိုဝင်မယ့်လူငယ်တွေအနေနဲ့ Entry Level အလုပ်ခေါ်စာတွေတွေ့တိုင်းမှာ အလောတကြီးမလျှောက်မိဖို့ လိုအပ်ပါတယ်။ လုပ်ငန်းခွင်ဝင်စ လူငယ်တွေအတွက် Red Flag ကတော့ Entry Level နဲ့ မကိုက်ညီတဲ့ မြင့်မားတဲ့ပညာအရည်အချင်းတွေ ၊ Skills တွေကို တောင်းဆိုထားတာမျိုးတွေဖြစ်ပါတယ်။

Entry Level ဖြစ်ရင်တောင်မှ ကိုယ့်ရဲ့ပညာအရည်ချင်းနဲ့ ထိုက်တန်တဲ့အလုပ်မျိုးကိုသာရွေးချယ်သင့်ပါတယ်။

💼 ပြည်တွင်းပြည်ပ အလုပ်အကိုင်အခွင့်အရေးများနဲ့ ၊ အလုပ်ရှာဖွေခြင်းနဲ့ပတ်သက်တဲ့ အကြောင်းအရာများကို အချိန်နဲ့တစ်ပြေးညီ သိရှိလိုပါကလည်း Career Link ရဲ့ Channels များကို Join ကာ Notify ရယူနိုင်ပါတယ်။